ئۇيغۇر ئەركىنلىك ئىنستىتۇتى بارىن قوزغىلىڭى ۋە شەھىدلەرنى ياد ئېتىدۇ.
بارىن قوزغىلىڭى – ئۇيغۇرلارنىڭ خىتاي ھاكىمىيىتىنىڭ تاجاۋۇزچىلىق ۋە باستۇرمىچىلىق سىياسىتىگە قارشى ئېلىپ بارغان كۈچلۈك سىياسىي ۋە ھەربىي ھەرىكىتىدۇر. بارىن قوزغىلىڭى – 1990-يىلى 4-ئاپرېلدىن 10-ئاپرېلغىچە ئاقتۇ ناھىيىسى بارىن يېزىسىدا زەيدىن يۈسۈپ باشچىلىقىدىكى 300 نەپەر ئۇيغۇرنىڭ خىتاينىڭ ئىشغالچىلىق ۋە پىلانلىق تۇغۇت، نوپۇس يۆتكەش سىياسىتىگە قارشى ئېلىپ بارغان نارازىلىق ۋە قارشىلىق ھەرىكىتىنىڭ باستۇرۇلۇشى نەتىجىسىدە قانلىق باستۇرۇلغان بىر قېتىملىق تارىخىي ھەرىكەت بولۇپ، خىتاينىڭ ئۇيغۇرستاندىكى نازارەت، باستۇرۇش، ۋە قىرغىنچىلىق سىياسىتىنىڭ بۇرۇلۇش نۇقتىسى، شۇنداقلا كېيىن باشلانغان يۈزلىگەن قارشىلىق ھەرىكەتلىرىنىڭ پىلتىسى بولۇپ قالغان.
